Ryshfeti është një ndër fenomenet që i ka mbijetuar çdo rotacioni politik që ka ndodhur në Shqipëri gjatë viteve të demokracisë, dhe që vijon të manifestohet gjerësisht thuajse në çdo sektor të jetës.
Në redaksinë e JOQ Albania kanë mbërritur denoncime të panumërta në lidhje me skandale korruptive, ku punonjës të administratës publike, por jo vetëm, ofrojnë favore në këmbim të ryshfetit ndaj qytetarëve për shërbime të caktuara, duke shpërdoruar në mënyrë flagrante detyrën.
Së fundmi, një qytetar ka denoncuar me video një skandal të shpërdorimit të detyrës nga një punonjës i pikës doganore të Morinës në Kukës.
Petrit Binakaj shprehet se prej më shumë se dy orësh nuk e kanë lënë të kalojë në doganë drejt Kosovës.
Sipas tij, një automjet tip Audi A6 me targa kosovare u lejua të kalojë, pasi i dha para punonjëses së doganës.
Qytetari thotë se momenti kur shoferi i automjetit ma targa kosovare i jep ryshfet doganierit mund të shihet në sekondën e 30-të në videon e mëposhtme.
Denoncuesi tregon më tej edhe një tjetër gjest, ku sipas tij drejtuesi i makinës i puthi dorën në shenjë falenderimi punonjëses së doganës.
Denoncimi i plotë:
Pershendetje joq! Ju lutem shperndane kete video. Me emer dhe mbiemer skam nevoj te jem anonim. Eshte filmuar ne doganen e kukesit, kemi dy ore qe po presium e sna lejn me kalu. Kurse makina me targa kosovare audi a6, drejtuesi i dha leket punonjeses se doganes dhe kaloi. Shifeni momentin ne sekonden e 30 t videos qe ju cova. Dhe ai ja puth doren me pas. /JOQ
