Trajneri i Atalantas, Gian Piero Gasperini, ka zbuluar në një intervistë të dhënë së fundmi se në ndeshjen ndaj Valencias në Ligën e Kampioneve ka qenë i infektuar me coronavirus.
“Jam ndjerë keq para ndeshjes me Valencia-n. Ndërsa drejtoja skuadrën ndihesha i shkatërruar. Nëse i shikoni fotografitë, nuk dukesha mirë në pankinë. Ishte 10 mars atëherë. Dy net më pas nuk flija mirë. Ethe nuk kisha. Çdo dy minuta kalonte një ambulancë, pasi ishte një spital pranë kompleksit stërvitor.”
“Dukej sikur të ishe në një zonë lufte. Natën mendoja se çfarë do të ndodhte me mua nëse do të shkoja në spital. ‘Nuk mund të shkoj tani, kam ende shumë për të bërë’. Ishte një shaka që bëja me veten, për të lehtësuar gjendjen shpirtërore, por nga ana tjetër me të vërtetë e mendoja këtë”.
