Specialistët e Seksionit për Krimet, në Komisariatin e Policisë Pogradec, bënë kapjen dhe arrestimin në flagrancë të Mentor Biba, 33 vjeç, banues në fshatin Buzaishte, Pogradec.
Arrestimi i tij u bë pasi, ai në banesën e tij, pas një konflikti për motive pronësie, me vëllain e tij, L.B, 46 vjeç, banues në Pogradec, e ka goditur këtë të fundit me sende të forta në kokë.
L.B, pas ndihmës mjekësore të marrë në Spitalin e Pogradecit, u dërgua në Tiranë për mjekim më të specializuar, ku ndodhet nën kujdesin e mjekëve.
Materialet i kaluan Prokurorisë të Rrethit Gjyqësor Pogradec, për veprën penale: “Dhuna në familje” parashikuar nga neni 130/a/3 i Kodit Penal.
