Një tjetër denoncim përdhunimi është regjistruar ditën e sotme, këtë herë në Kosovë. Një person është arrestuar nga Policia e Kosovës nën dyshimin se ka dhunuar një të mitur.
Lajmi është konfirmuar për mediat vendase nga zëdhënësi i policisë për rajonin e Mitrovicës, Avni Zahiti i cili tha se i dyshuari ndodhet në ndalim policor.
“Policia e ka intervistuar një person nga zona e Skënderajt që dyshohet për përdhunim.Ai është në ndalim, me vendim të prokurorit. Vajza duhet të shkojë për ekzaminime të mëtejshme. Rasti ka ndodhë dje në zonën e Skënderajt dhe është ende duke u hetuar”, tha ai.
