Miliarderi Donald Trump kandidon për t’u bërë President i Shteteve të Bashkuara të Amerikës. Deklaratat e tij të ashpra ndaj myslimanëve dhe emigrantëve kanë bërë që ai shpesh të vihet në qendër të kritikave, por edhe të bëhen protesta kundër tij.
Duke qenë se kandidon nën siglën e republikanëve për t’u bërë President i shtetit më të fuqishëm të botës, Trump ruhet nga agjentë të Shërbimit Sekret Amerikan. Shërbimi Sekret ruan Presidentin e SHBA dhe zyrtarë të tjerë të lartë.
Në videon e mëposhtme duket qartë momenti se si agjentët e Shërbimit Sekret vrapojnë për të mbrojtur Donald Trump gjatë një tubimi në Ohio, pasi një protestues u dyshua se u përpoq të ngjitej në skenë, ku po mbante fjalim miliarderi amerikan.
