Kitaristi legjendar Bob Kulick, i njohur për bashkëpunimin e sukseshëm me KISS, Lou Reed, dhe Diana Ross, është ndarë nga jeta në moshën 70-vjeçare.
Ka qenë vëllai i tij Bruce ai që ka dha lajmin e hidhur ku nëpërmjet një statusi në Twitter ai ka njoftuar fansat për ndarjen nga jeta të legjendës.
“Me zemër të thyer më duhet të them që vëllai im u nda nga jeta. Dashuria e tij për muzikën, talenti si muzikant dhe producent duhet të festohet gjithmonë. E di që ai tani është në Paqe, së bashku me prindërit tanë, duke luajtur me kitarë me zë të lartë. Ju lutem respetoni dëshirën e familjes Kulick për privatsi”– shkruhet në lajmërimin e trishtë.
