Ashley Young u transferua gjatë merkatos së janarit nga Man. United te Interi. Kontrata e tij ishte e vlefshme deri në fund të qershorit ndërsa ky afat është drejt përfundimit.
Mesa duket, zikaltërit janë të bindur nga ajo që mund të ofrojë 34-vjeçari në fushën e lojës dhe drejtuesit e klubi kanë vendosur t’i zgjasin kontratën.
Lajmin e konfirmuar, Drejtori Sportiv, Piero Ausilio, që në një intervistë për mediat italiane deklaroi se klubi i Interit ka vendosur të zgjasë bashkëpunimin me Ashley Young deri në qershor të vitit 2021.
“Kemi vendosur të ushtrojmë të drejtën e zgjatjes së bashkëpunimit me Ashley Young deri në verën e 2021-shit. Futbollisti ka bërë paraqitje mjaft të mira dhe është ambientuar shumë shpejt me fanellën zikaltër, ndaj do të vijojë të qëndrojë me ne”, tha Ausilio.
