Një firmë kamionësh kanë ndërtuar atë që pretendohet të jetë ora e parë në botë e bërë tërësisht nga kamionët.
E përbërë nga 14 të tillë, së bashku me 90 shoferë, ora gjigande u ndërtua në një fushë aviacioni të braktisur me sipërfaqe 70,000 metër katror. Funksionimi normal i orës filloi këtë javë dhe ajo punon non-stop për 24 orë.
‘Kamionët janë të mëdhenj, makina të fuqishme, por janë të dizenjuar detajisht, instrumente të rafinuar, ashtu si edhe orët,’ shpjegon Staffan Arvs, Kryetar i Marketingut dhe Komunikimit tek Scania, firma Suedeze e kamionëve që ndërtoi orën.
‘Secili kamion duhet të optimizohet për detyrën e tij specifike në orën gjigande dhe monitorohet në kohë reale.’ Me qëllim ndërtimin e kohëmatësit gjigand, kamionët duhet të përshkojnë një trajektore rrethore për 60 sekonda, përgjatë 24 orëve, transmeton krokodili.
Kamioni i brendshëm duhet të lëvizë me shpejtësi 13 km/h, ndërsa ai i jashtëm me 53 km/h, thotë Scania. Kamionët që matin minutat dhe orët, duhet të rrinë në një sekuencë perfekte të sinkronizuar.
