Platforma e prezantuar nga Presidentit Ilir Meta, sipas tij me qëllim përshpejtimin e integrimit të vendit në BE, duket se nuk është përqafuar nga të gjitha palët politike.
Këtë të Premte, me një mesazh në faqen e tij në FB, Meta shprehet se “përpjekjet e mia të sinqerta dhe transparente për të bashkuar vendin dhe ndërtuar një konsensus gjithëpërfshirës mbi axhendën e reformave të integrimit europian të Shqipërisë, për fat të keq u minuan”.
“Tashmë secili aktor le të marrë barrën e përgjegjësive të veta përballë qytetarëve dhe partnerëve europianë. Unë do të kaloj tani më pak kohë me Tiranën politike, dhe do t’i përkushtohem më shumë Shqipërisë së njerëzve të thjeshtë”, shprehet ai.
