Një aksident rrugor me një person të plagosur ka ndodhur mbrëmjen e sotme në zonën e “Bllokut” në Tiranë. Siç shihet në pamjet nga vendngjarja të publikuara nga portali “newsbomb”, aksidenti ka ndodhur në rrugën “Perlat Rexhepi” në kryeqytet, ku janë përfshirë një mjet tip “Mercedes Benz” dhe një “BMW”.
“Rreth orës 22:15, në rrugën ‘Perlat Rexhepi’, është përplasur mjeti me drejtues shtetasin K.S., 27 vjeç, me mjetin me drejtuesin shtetasin A.N., 41 vjeç Si pasojë e përplasjes është dëmtuar drejtuesi i mjetit shtetasi K.S., i cili u dërgua në spital, dhe ndodhet nën kujdesin e mjekëve. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes”, njoftoi policia.
Në vendin e ngjarjes janë mbledhur dhjetëra banorë të zonës, ndërsa trafiku është rënduar.
