Një ngjarje e rëndë ka ndodhur në Zvicër, me protagonist një çift shqiptar, 43-vjeçari A.E. nga Kosova dhe gruaja e tij 42-vjeçare S.E shqiptare nga Maqedonia e Veriut.
Ata lidhën për një orë në karrige një një shtetas tjetër, duke e torturuar dhe kërcënuar, me qëllim që ai të pranonte se kishte përdhunuar gruan.
Viktimë e sulmit nuk ishte as më shumë dhe as më pak se i dashuri i gruas që qëlloi të ishte dhe koleg me burrin. Në përpjekje për ta shtyrë të pranojë akuzën, 43-vjeçari ka detyruar të dashurin e gruas të bëjë marrëdhënie orale me të, duke e poshtëruar rëndë dhe duke filmuar të gjithë skenën. Përveç kësaj, burrin e lidhur e kanë kërcënuar me pincë dhe me thikë. Ai është mbajtur kështu për rreth 90 minuta. Në fund, viktima është detyruar ta konfirmojë përdhunimin, megjithëse ai nuk ka ndodhur kurrë. Ngjarja ndodhi në një garazh në Bronschhofen.
Çifti shqiptar ka thënë para grupit hetimor se ishin të vetëdijshëm për veprimet e tyre. Ata duhet të përgjigjen para Gjykatës së Qarkut Wil të enjten për akuzat e rrëmbimit, plagosjes dhe shtrëngimit.
Për 43 vjeçarin, prokurori kërkon dënim me burg dhe gjobë. Përveç kësaj, kosovari, sipas prokurorisë duhet të dëbohet nga Zvicra për shtatë vjet. Ndërsa për gruan, akuza parashikon një dënim me burg me kusht dhe dëbim nga vendi për pesë vjet.
Pesha e akuzës për burrin është më e rëndë se sa ajo për gruan, për faktin se burri kishte përdorur dhunë edhe ndaj gruas së tij, përpara veprimeve kundër mikut. Sipas aktakuzës, ai e ka goditur atë disa herë me grushta, veç tjerash edhe në fytyrë. Qëllimi, në këtë rast kishte qenë që gruaja të “pranonte se ajo nuk ishte përdhunuar”.
