Finalja e Champions League në vitin 2017 u zhvillua mes Juventusit dhe Realit të Madridit në Cardiff. Në atë ndeshje madrilenët u shfaqën superior duke fituar me rezultatin 4-1.
Atëherë, Ronaldo lojtar i Real Madrid hapi serinë e golave në minutën e 20-të, por Mario Mandzukic riktheu gjithçka në baraspeshë shtatë minuta më vonë dhe të dy ekipet e përfunduan pjesën e parë me rezultatin në 1-1.
Gjithsesi pas pushimit, “Los Blancos” shënuan edhe tre gola të tjerë me anë të Casemiro 61’ Ronaldo 64′ dhe Marco Asensio 90’.
Duke folur për këtë ndeshje në librin e tij autobiografik, Chiellini ka deklaruar se arsyeja për atë disfatë ishte lodhja e skuadrës italiane të cilët nuk mundën t’i bënin ballë furisë së Real Madrid.
“Finalja e Kardifit e humbur ndaj Real Madrid është diskutuar shumë. Por asgjë e çuditshme nuk ndodhi. Ne ishim thjesht të lodhur. Pas pjesës së parë mezi ecnim, veçanërisht Mandzukiç dhe Pjaniç.
I thamë vetes që do të rifuteshim fuqishëm në lojë teksa rezultati ishte 1-1, por më pas përfundoi keq për ne.”
