Sergei Lavrov, ministri i punëve të jashtme të Rusisë dhe shefi i delegacionit rus në takimin vjetor të AP të OKB, deklaroi se perëndimi duhet të marrë mësim nga rezultatet e politikave superiore dhe hegjemoniste, sepse pasojat e këtyre politikave shkatërrojnë stabilitetin global.
Agjencia IRNA e lajmeve njoftoi se Sergei Lavrov në fjalimin e tij në takimin vjetor të AP të OKB, tha: “Për fat të keq në mesin e politikanëve të vendeve perëndimore politika superiore dhe monopoliste ka lëshuar rrënjë të thella dhe ata po veprojnë me çfarëdo rruge të mundshme dhe në dëm të të tjerëve në mënyrë të padrejtë, vetëm e vetëm për t’i siguruar interesat e veta”.
Burimet informative nga Ministria e Punëve të Jashtme të Rusisë duke cituar fjalët e Lavrov të premten në mbrëmje në Nju Jork, kanë shkruar: “Çfarë rezultati do të ketë kur nuk ekziston ndjenja se është bërë gabim dhe kur çohen para vendimet e njëanshme dhe aventuriste në zgjidhjen e konflikteve ndërkombëtare? Rezultatin e një politike të tillë e kemi vërejtur në Lindjen e Mesme dhe në Afrikën Veriore, ndërsa si pasojë e politikave të tilla do të shkatërrohet infrastruktura e stabilitetit global”.
