Katër të rinj janë arrestuar në Tepelenë, pasi akuzohen për grabitjen e disa sendeve në një punishte mermeri.
Në pranga janë vënë shtetasit M. M., 26 vjeç, M. M., 28 vjeç, S. Ç., 20 vjeç dhe S. Ç., 23 vjeç, të gjithë banues në Tepelenë.
Grabitja ka ndodhur më 20 maj në punishten e mermerit në pronësi të shtetasit S. G., banues në Tepelenë.
“Në bashkëpunim me njëri-tjetrin, këta shtetas dyshohet se kanë vjedhur me thyerje në punishte, vegla pune si kompresorë, motosharrë, troko e materiale të tjera me vlerë të konsiderueshme monetare, të cilat u gjetën dhe u sekuestruan në cilësinë e provës materiale. Gjithashtu, këta shtetas dyshohet se në bashkëpunim me njëri-tjetrin kanë kryer dhe disa vjedhje të tjera në fshatrat e Tepelenës, ku vijon puna për dokumentinin me prova ligjore.” thuhet në njoftimin e policisë.
Materialet i kaluan Prokurorisë së Rrethit Gjyqësor Gjirokastër, për veprën penale “Vjedhja, e kryer në bashkëpunim”.
