Pas humbjes 4-0 ndaj Dortmundit fundjavën e kaluar, kriza për Schalke 04 vijon të thellohet. Klubi nga Gelsenkirchen ka pësuar një tjetër humbje, kësaj radhë në shtëpi ndaj Augsburgut me rezultatin 0-3.
Miqtë kaluan shpejt në avantazh në minutën e 6-të. Autor i golit ishte Lowen që realizoi nga një goditje spektakolare e dënimit. Dyfishimi i rezultatit erdhi në minutën e 76-të ku autor i golit ishte Sarenren-Bazee.
Ndërkohë për rezultatin përfundimtar mendoi Sergio Cordova, i cili realizoi në minutat shtesë të ndeshjes.
Një fitore mjaft e rëndësishme për Augsburgun në luftën e tyre për mbijetesë, ndërsa situata për Schalke 04 duket e pashpresë, pasi tashmë shkon në 9-të numri i ndeshjeve radhazi pa fitore në Bundesliga.
