Arsene Wenger ka thënë se ai nuk do të kthehet më në “Emirates Stadium”, madje as si spektator, pasi u largua nga klubi si në vitin 2018.
Francezi e drejtoi skuadrën anglez për plot 22-vjet, ndërsa u shpall tri herë kampion i Premier League. Që pas largimit nga londinezët, Wenger, nuk ka marrë drejtimin e asnjë skuadre.
I pyetur nëse do të rikthehej te Arsenali qoftë edhe si spektator, duke folur për Bein Sports, 70 vjeçari ka thënë:
“A do të rikthehesha në Emirates Stadium? Gjithmonë i kam thënë vetes se do të largohesha përgjithmonë nga Arsenali. Ky është vendimi që kam marrë.”
“E kam drejtuar këtë klub në 1.235 ndeshje, kam pasur ditë të mirë dhe të këqija atje, por gjithmonë jam përpjekur t’i mbroj vlerat e klubit. Dhe mendoj se ia kam dale. Besoj se kam lënë një kulturë në aspektin sportiv te Arsenali dhe mendoj se duhet të respektohet.” – ka thënë Wenger.
