Conor McGregor është një ndër sportistët më të mëdhenj në historinë e MMA. Irlandezi ka arritur shumë suksese ndërsa ka dhe një bazë të madhe fansash në të gjithë botën.
Ndërkohë vitet e fundit kanë qenë të vështirë për 31-vjeçarin, i cili ka pësuar disa humbje e fundit ajo ndaj rusit khabib Nurmagomedov ndeshje në të cilën u dorëzua pa kushte.
Ndërkohë Mcgregor ka shfrytëzuar faqen e tij zyrtare në Twitter për të dhënë disa mendime, në lidhje me kush është luftëtari më i mirë i të gjitha kohërave në sportin e arteve marciale.
Sipas McGregor, “GOAT” i UFC-së është braziliani Anderson Silva, por kjo për pak kohë pasi sipas tij shumë shpejt do të zërë ai atë vend.
“Numri një është Anderson Silva, ndërsa unë jam i dyti, për të mos thënë që jemi barazim për vendin e parë. Unë jam ende aktiv në sport, deri në fund të karrierës time do e kem siguruar vendin e parë, si më i miri i të gjitha kohëave”, shkroi McGregor.
