Nga 9 raste e reja të konfirmuara ditën e sotme nga autoritete e shëndetësisë, 3 prej tyre i përkisinin qytetit të Durrësit.
Burime bëjnë me dije se raste e reja janë kontakte të punëtorëve të fabrikës së këpucëve, që ndodhet në zonën e plazhit në këtë qytet. Mësohet se dy prej tyre janë punonjës të fasonerisë dhe 1 familjar i një punëtori të konfirmuar pak ditë më parë me COVID-19.
Burime bëjnë me dije se në Durrës aktualisht ekziston vetëm një vatër e COVID-19, pasi 53 raste aktive janë punëtorë të fabrikës në zonën e plazhit ose familjarët e tyre.
Në rang kombëtar në vendin tonë deri tani janë konfirmuar 998 të infektuar me COVID-19, 177 prej të cilëve janë aktivë. Gjithashtu janë regjistruar gjithësej dhe 32 viktima nga COVID-19.
