Janë mbyllur pjesët e para të katër ndeshjeve të javës së 27-të të Bundesligës gjermane.
Kështu Borussia Dortmund e ka mbyllur 45 minutëshin e parë në avantazh përballë Wolfsburg me rezultatin 0-1. Sfida u zhbllokua pas 32 minutash lojë, ku shënoi mbrojtësi portugez, Raphael Guerreiro pas një aksioni të shkëlqyer.
Nga ana tjetër, Leverkusen ka surprizuar Borussia Monchegladbach duke kaluar në avantazh në transfertë. Për “Aspirinat” shënoi Kai Havertz në minutën e 7-të. Një duel i fortë ky për një vend në Ligën e Kampioneve.
Në ndeshjet e tjera Werder Bremen kryeson ndaj Freiburg 0-1 ndërsa pjesa e parë mes Paderbornit dhe Hoffenheim-it është mbyllur 1-1.
