Ditën e sotme këngëtari shqiptar Ermal Fejzullahu ka pësuar një aksident me makinë në Prishtinë.
Ishte ‘Prive’ ajo e cila ka bërë publike një foto nga vendngjarja aty ku shihet makina tip ‘Range Rover’ e përplasur me shtyllën e semaforit.
Këngëtari ishte i shoqëruar nga disa familjarë të tij dhe këtë e ka treguar përmes një videoje postuar në instastory aty ku shihet se dhe gjendja e tij shëndetësore është e mirë.
Më tej ai ka falenderuar të gjithë personat që janë interesuar në lidhje me gjendjen e tij shëndetësore.
“Doja t’iu njoftoja se kam qenë pjesë e një aksidenti bashkë me disa anëtarë të familjes, të gjithë jemi shëndoshë e mirë dhe nuk është diçka për t’u bërë tragjike. Faleminderit që keni treguar shqetësim dhe kujdes shumë të veçantë“, shprehet Ermali.
