Ambasadori amerikan në Tiranë Donald Lu ka zhvilluar sot një takim me studentë të gazetarisë.
Duke folur për situatën e drogës në vend, ambasadori amerikan tha se Qeveria e SHBA duartroket punën e bërë nga Guardia di Finanza italiane për të eleminuar kultivimin e kanabisit.
Ai theksoi se si qeveria e mëparshme, edhe kjo e sotmja, kanë të dyja probleme me trafikun e drogës dhe se ka politikanë që kanë përfituar nga lidhjet e tyre me trafikantët e drogës.
Lu nënvizoi se SHBA e di që ka politikanë, kryetrarë bashkisë dhe kandidatë që janë dënuar për trafik droge në vendet e BE.
Duke folur për Vettingun, ambasadori amerikan u shpreh se është e drejta kushtetuese e opozitës të dërgojë në gjykatë kushtetuese ligjin e dhe të bojkotojë komisionin e reformës.
“Ne i kemi thënë lidershipit të PD që rrezikoni të ktheheni në një parti për të cilën shqiptarët besojnë se nuk e doni reformën në drejtësi”, ka nënvizuar ambasadori amerikan.
