Në Parlament, u kërkua këtë të enjte komision hetimor për çështjen e Teatrit Kombëtar, të shembur të Dielën me vendim të Bashkisë së Tiranës të drejtuar nga Erion Veliaj dhe mbështetjen e kryeministrit Edi Rama.
Deputeti Ralf Gjoni i kërkoi kryetarit të Kuvendit Gramoz Ruci, të ndërpresë seancën e kësaj të Enjteje dhe të thërrasë kryetarët e grupeve për të vendosur ngjitjen e një komisioni hetimor.
“Komisioni parlamentari hetimor të marrë në konsideratë faktet, shpjegimet, nga të gjitha palët për të zbardhur ngjarjen që ka shkaktuar kaq mllef dhe nuk po ndalon, tha Gjoni, nëse s’ka këllqe njeri vetë ofrohem unë ta drejtoj, nëse ka, bujrum.”
Kryeparlamentari Ruci i kërkoi deputetit të “institucionalizojë kërkesën”: Instucionalizoheni kërkesën, në seancën më të parë do shqyrtohet.
Replika u zhvilluan mes Ralf Gjonit dhe kreut të grupit parlamentar të PS, Taulant Balla, i cili ka mbështetur publikisht në mënyrë të përsëritur shembjen e Teatrit Kombëtar.
“S’mundet dikush në emër të mullarëve të kashtës të vij në Tiranë dhe të më japë mua mend”, iu drejtua Gjoni-Ballës.
