Marco Reus dikur konsiderohej si një nga talentet më të mëdha të futbollit gjerman dhe jo vetëm. Gjithsesi dëmtimet e shumta nuk e kanë lejuar gjermanin për asnjë moment të shfaqë potencialin e tij dhe tashmë në moshën 30-vjeçare ai mund të quhet thjesht i pafat.
Tashmë në momentin që po përgatitej për t’u rikthyer në fazën më të rëndësishme të sezonit, Reus është dëmtuar përsëri. SportBild raporton se 30-vjeçari ka ndjerë shqetësime muskulore dhe ky sezon mund të quhet i përfunduar.
Një lajm i keq ky për verdhezinjtë të cilët shpresonin të kishte të gatshëm yllin e skuadrës për ndeshjet e fundit.
