Ndërkohë që Kuvendi kaloi me votat e mazhorancës ligjin për mbetjet, kreu i PD-së, Lulzim Basha ka theksuar se opozita është në gjurmë të individëve të huaj përfaqësues të interesave të errta.
“Përveç deduksionit logjik se pse pas 3 vitesh ndryshon 180 gradë qëndrimin për plehrat dhe paralelizmit me shembujt e tjerë ku ka ndryshim qëndrim për të përqafuar oligarkët dhe kontratat e tyre të majme padyshim që opozita është në gjurmë të fakteve që çojnë drejt pranisë së individëve të huaj, përfaqësues të interesave të errëta mafioze që kanë një të kaluar kriminale. Ne besojmë se një pjesë e tyre janë prapa aferës së Sharrës, prandaj e përdora Sharrën”, tha Basha në emisionin “Opinion”.
