Një rrjet i trafikut të lëndëve narkotike është goditur nga autoritetet italiane në Verona, duke vënë në pranga pesë persona.
Mediat vendase raportojnë se është arrestuar një serb 36 vjec, katër shqiptarë të moshave midis 35 dhe 50 vjec.
Ky grup kriminal dyshohet se trafikonte drogë në zonën e Veroneses, në të cilën dhe jetonin.
Policia ka hetuar 16 persona të tjerë , së bashku me të arrestuarit.
Hetimet kanë nisur që në shkurt 2016, kur janë konstatuar nga karabinieria afërsisht 200 kg drogë gjithsej, e dyshuar e gatshme për trafikim.
Karabinierët kanë sekuestruar më shumë se 177 kilogramë marijuanë dhe 1.7 kilogramë kokainë. Gjatë operacionit, policia prangosi edhe 7 të tjerë në kushtet e flagrancës. Autoritetet italiane kanë mbajtur nën vezhgim lëvizjet e bandës dhe në fund kanë ndërhyrë , duke kryer edhe arrestimet.
