Bashkëshorti i Megan Fox, Brian Austin ka konfirmuar ndarjen nga aktorja dhe ka treguar arsyen pse e morën këtë vendim. Çifti janë ndarë pas 10 vitesh martesë, në të cilën kanë patur ulje-ngritje dhe shpeshherë thashetheme për ndarje.
Bashkëshorti i aktores 34-vjeçare tregoi se ajo kërkonte të provonte vetminë pasi mendon se kështu ndihet vetvetja. Megan e kishte kuptuar këtë teksa xhironte një projekt jashtë vendit.
“Ajo më tha ‘E di çfarë? Kur po punoja vetëm jashtë shtetit, po ndihesha vetvetja dhe më pëlqeu shumë kjo gjë. Mendoj që është më mirë ta provoj’, tregoi bashkëshorti i aktores, Brian Austin.
“Nuk u mërzita me të sepse nuk është faji i saj”, tha ai.
Aktori gjithashtu mohoi thashethemet se Megan ka nisur një lidhje të re duke treguar se ajo dhe reperi me të cilin është përfolur, janë thjesht miq.
