Policia sot ka arrestuar 31-vjeçarin Andi Rexhepi alias Renato Paturri, pasi akuzohet si autor i 15 grabitjeve në qytetet të ndryshme të bankomatëve dhe filialeve të bankave të nivelit të dytë, këmbimit valutor, karburanteve e argjendarive.
Por kush është Andi Rexhepi?
Ai është një emër i njohur për Policinë, por dhe për mediat. Rexhepi ose i njohur si ‘Rrem Paturri’, u vu në pranga vitin që shkoi pasi u konsiderua si kreu i bandës që vodhi 130 milionë lekë në Postën e Krujës, në nëntor të viti të shkuar. Por u lirua nga Gjykata se nuk kishte prova që ai kishte organizuar apo të ishte pjesëmarrës në atë grabitje.
Ai ka qenë i dënuar dhe në Greqi, për grabitjen e shtëpive të këngëtarëve të famshëm si Nikos Vertis apo Toni Mavridis. Po ashtu, sipas autoriteteve greke, Rexhepi është arratisur nga burgu i Tiryns në mars të 2016, në të cilin thuhej se ishte një nga më të tmerrshmit aty.
Ai është akuzuar se ka aksidentuar për vdekje një person në Shqipëri, por dhe për disa vepra të tjera penale në Greqi.