Atë që nuk e bënë kryebashkiakët shqiptarë, e ka bërë kryetari i bashkisë së Parmës, Federico Pizzarotti, që iu bashkua për pak momente protestës së qytetarëve kundër miratimit të ligjit për importin e mbetjeve.
Ai dha edhe një mesazh për protestën, duke marrë shembull edhe nga qyteti që drejton.
“Ju mbështes për protestën. Në Parma ka një vëmendje për të edukuar publikun për diferencimin e mbetjeve. Në Parma nuk lejohet impiant djegiesh, të cilët sjellin ndotje të ambientit. Në Parma janë rritur impiantet ricikluese deri ne 70 % e mbetjeve. Më vjen mirë që ka një lëvizje qytetare, në mbrojtje të interesit publik”, tha kryebashkiaku.
