Ish-kreu i grupit parlamentar të PD, Astrit Patozi dhe kryeministri Rama janë përfshirë në debat të ashpër për kultivimin e kanabisit.
Deputeti demokrat akuzoi qeverinë dhe Ramën se Shqipëria është e mbushur me drogë.
Ndërsa kryeministri Rama iu drejtuar duke i thënë që të shikojë raportet e ndërkombëtarëve, të cilët sipas Ramës, thonë lufta kundër drogës në Shqipëri është rritur.
“Astrit, unë flas brenda realitetit. Avioni u nis nga Italia dhe erdhi në Shqipëri. A imagjinon dot që Italia nuk ka ende sot informacion për këtë. Imagjinoni tani të ngrihet opozita italiane dhe të bëjë zhurmë për këtë”, i tha Rama, Patozit.
Por Patozi u përgjig, edhe duke e paralajmëruar kryeministrin.
“Droga është problem kombëtar. Përmende këtu çështjen e SHBA-ve, që janë marrë peng edhe udhëheqës politikë kur është cenuar siguria kombëtare. Mos e degrado edhe më shumë situatën, nuk ta uroj, por mund të kesh fatin e ndonjërit prej tyre”, tha Patozi.
