Analisti Fatos Lubonja i është bashkuar protestës së sotme para vendit ku ndodhej godina e Teatrit Kombëtar, e shembur nga autoritet.
Lubonja e ka quajtur krim shembjen e teatrit. Për kryebashkiakun e Tiranës Erion Veliaj, tha se është një “killer” që ekzekutoi shembjen e teatrit, ndërsa kryeministrin Rama e cilësoi kreun e një bande kriminale që sundon vendin.
Lubonja kërkoi të hapet një proces hetimor për shembjen e teatrit.
Analisti u shpreh se e vetmja mënyrë për të rrëzuar këtë “bandë kriminale në pushtet” janë protestat.
“Protesta të mëdha popullore të thellohen për ta dobësuar moralisht, për të dhënë dorëheqjen. Nëse shkojmë në zgjedhje me institucione të kapura me polici të kontrolluar nga Rama, këta do ti vjedhin dhe zgjedhjet. E vetmja mënyrë është: protestë, protestë, protestë”, tha Lubonja në një prononcim për gazetarët.
Protesta live
