Mbrëmjen e djeshmne, Policia Kufitare dhe Policia e Durrësit ka goditur një tentativë për trafikim të drogave të forta.
Në portin e Durrësit është kapur 68 pako me lëndë narkotike heroinë dhe për pasojë u arrestua shoferi i kamionit.
Në pranga është vënë shtetasi Dh. Z., 49 vjeç, banues në Babrru, Tiranë.
“Në PKK Port Durrës, shërbimet e Policisë Kufitare, në bazë të analizës së riskut, ushtruan kontroll të imtësishëm në vijën e dytë, në kamionin që e drejtonte ky shtetas dhe si rezultat i kontrollit, poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë.
Në cilësinë e provës materiale u sekuestrua lënda narkotike heroinë me peshë totale rreth 38 kg.” thuhet në njoftimin e policisë.
Materialet në ngarkim të shtetasit Dh. Z. iu referuan Prokurorisë së Rrethit Gjyqësor Durrës, për veprën penale “Trafikimi i narkotikëve, në bashkëpunim”
