Premier League është e pezulluar prej më shumë se dy muajsh, pas përhapjes të pandemisë së coronavirusit. Në vendin ishullor po bëhen përpjekje për të rinisur, mirëpo duket se disa lojtarëve nuk u pëlqen ideja për të rifilluar kampionatin.
Një prej tyre është edhe mesfushori i Chelesat, Willian, i cili është kundër rifillimi të këtij edicioni. Braziliani u shpreh se e ne e dëshirojmë shumë rikthimin në fushat e lojë, por ai thekson se duhet kohë për të qenë të sigurt që të bëjmë një gjë të tillë.
“Sinqerisht, nga ajo që mund të shoh, shumë lojtarë, shumica do të thosha, nuk janë rehat me idenë për rifillim tani. Ne vërtetë duam të rifillojmë, na mungon loja dhe të bëjmë atë që duam. Por, duhet kohë për të qenë të sigurt që të bëjmë një gjë të tillë. Kjo është si e shohim. Shëndeti ynë duhet të jetë primar. Lojtarët nuk ndihen të sigurt të fillojnë tani, duhet të kemi siguri”. ka thënë Willian.
