Kastriot Çipi, aktivist i Aleancës për Mbrojtjes dhe regjisor, tha në një intervistë për Ora News, se me shembjen e Teatrit Kombëtar u instalua diktatura.
Kastriot Çipi: ”Mendoj që është akti noterial, firma dhe vula mbi instalimin zyrtar të diktaturës në Shqipëri. Gjithmonë ka besuar se Shqipëria kurrë nuk ka hyrë në demokraci, pas diktaturës ka kaluar në post diktaturë. Vitet e fundit kemi pasur hapa prapa, pra rrëshqitje drejt diktaturës. Gjërat janë bërë më të thekshme dhe më të prekshme në mandatin e dytë të qeverisë Rama. Përfundimisht diktatura sipas meje, diktatura ishte vendosur me 15 mars me masat e jashtëzakonshme me alibinë e koronavirusit. Kjo që ndodhi ishte rezultati i diçkaje që dihej.”
Ai deklaroi se nisja e shembjes së teatrit filloi duke pasur njerëz brenda, dhe se kryeministri Rama ishte i përgatur edhe për gjakderdhje e vdekje.
Kastriot Çipi: ”Ka pasur disa aktivistë brenda godinës kur filloi shembja. Nga ata që dëgjova unë ishte Neritan Liçaj dhe Julinda Emiri. As kjo nuk është për tu habitur. Rama nuk ndalet para asgjëje. Në momentin kur nuk ka rezistencë as nga ndërkombëtarët, përse duhet të shqetësohet. Vdiq dikush aksidentalisht? Ndodhi do thoshte. Ata njerëz nuk duhej të ndoheshin aty dhe nëse vdiqën nuk ishte faji im do thoshte. Unë mendoj që ai sot ka qnë i përgatitur për gjithçka, edhe për gjakderdhje, edhe për vdekje. Aleanca duhet të rikonceptohet dhe t’i vërë qëllim vetes për rrëzimin e diktaturës në Shqipëri. Nuk shpëtohet teatri pa rënë diktatura. Tani që teatri ra fizikisht, duhet që aleanca duhet të krijojë një koalicion për të rrëzuar diktaturën.”
