Pasi u akuzua se “lidhja” e saj me Brad Pitt ishte një nga arsyet kryesore të divorcit me aktorit dhe bashkëshortes Angelina Jolie, aktorja franceze Marion Cotillard më në fund ka thyer heshtjen duke mohuar gjithçka, nëpërmjet një postimi në Instagram.
“Ky do të jetë i pari dhe i fundit reagim për lajmin e marrë që u përhap 24 orë më parë, në të cilin përfshihesha dhe unë. Nuk jam mësuar të komentoj gjëra si këto apo t’i marr seriozisht, por duke qenë se kjo situatë po vijon dhe po prek njerëzit që unë dua, më duhet të flas.”- u shpreh Marion Cotillard në nisje të postimit të saj.
“Së pari, shumë vite më parë, unë takova burrin e jetës sime, babain e djalit tonë dhe të fëmijës që po presim. Ai është dashuria ime, miku im më i mirë dhe i vetmi për të cilin kam nevojë.”- shkruajti aktorja, duke konfirmuar lajmin e shtatzënisë (lexo këtu). “Së dyti, për të gjithë ata që shkruajtën se unë kam mbetur e shkatërruar, jam shumë mirë, faleminderit.
Kjo bisedë e sajuar nuk është shqetësuese… Në fund, uroj vërtet që Angelina dhe Brad, të cilët i respektoj të dy thellësisht, të gjejnë paqe në këto momente të trazuara. Me dashuri, Marion.” Kështu e ka përfunduar deklaratën e saj aktorja, për të cilën u tha se ishte molla e sherrit për çiftin Brangelina. Burime pranë çiftit thanë për mediat se Angelina ishte njoftuar se Brad e tradhëtonte atë me Cotillard, ndërkohë që ndodheshin në sheshxhirimin e filmit “Allied”. Burimet tanë madje se Angelina pagoi dikë që ta ruante bashkëshortin e saj dhe në momentin që zbuloi se ai vërtet e tradhtonte, ajo i vuri kapakun martesës me 52-vjeçarin. Burimi: Daily Mail
