Sot ka qenë radha e kryetare së LSI-së Monika Kryemadhi të jetë në mbështetje të artistëve kundra shembjes së Teatrit Kombëtar, pas mbrëmjes së djeshme ku ishte kryedemokrati Lulzim Basha.
Ajo ka mbërritur para pak minutash te sheshi para teatrit, ku janë ngujuar një pjesë e artistëve në mbrojtje të godinës, pas vendimit të Këshillit Bashkiak të Tiranës për shembjen e saj.
Kryemadhi shoqërohet nga disa anëtarë të partisë së saj, si ish-ministri Edmond Panariti, ish-deputeti Endrit Braimllari, etj.
Siç shihet edhe në foto, Kryemadhi po zhvillon takime me artistët, duke iu shprehur mbështetjen e saj dhe të partisë në kauzën për mbrojtjen e Teatrit Kombëtar.
