17 raste të reja, 2 viktima dhe 16 të shëruar është bilanci i COVID-19 në 24 orët e fundit në Maqedoninë e Veriut.
Autoritetet vendase të shëndetësisë njoftuan se në 24 orët e fundit kanë kryer testin 460 prej të cilëve 17 kanë rezultuar pozitiv me COVID-19.
Rastet e reja janë: në Shkup-3, në Kumanovë-2, Prilep-3, Tetovë-6, Veles-2 dhe Manastir-1.
Gjatë 24 orëve të fundit, betejën me COVID-19 e kanë fituar dhe 16 persona të tjerë.
Me statistikat e fundit, në Maqedoninë e Veriut gjithsej me Covid-19 janë infektuar 1 740 persona prej të cilëve 1 251 janë shëruar.
Mësohet se kanë ndërruar jetë dhe dy pacientë të tjerë me COVID-19, duke e çuar në 97 numrin e viktimave në vend.
Në Klinikën Infektive ka ndërruar jetë një 89 vjeçar. ISHP gjatë ditës së sotme ka regjistruar edhe një viktimë i cili ka ndërruar jetë me 13 maj në spitalin “8 shtatori”.
