Katër shqiptarë janë arrestuar në flagrancë me 500 kg drogë në Hanover të Gjermanisë. Grupi kriminal ra në pranga në një garazh, të cilin të dyshuarit e kishin kthyer në vend për biznesin e drogës.
Katër shqiptarët janë arrestuar ndërsa ishin gati për të kryer shitjen e marijuanës, e ndarë në qese prej 30 kg si dhe paketa më të vogla.
Shqiptarët e arrestuar janë të moshës 33, 36 dhe 39 vjeç, ndërsa shqiptari nga Mali i Zi është 35 vjeç.
Gjatë bastisjeve në disa apartamente, policia gjeti edhe 60 000 euro të gatshme, bizhuteri si dhe 2.3 kg marijuanë.
Vlera e drogës kap shifrën e 2 milionë eurove nëse shitet në treg.
