Autori i dytë i dyshuar i vrasjes së ndodhur më 27 prill në Lezhë, ku u ekzekutuan rapsodi Kol Murranit dhe Preng Simoni, është vënë në pranga. I arrestuari është Agron Lushi, 35-vjeç.
Agron Lushi, i dënuar më parë për plagosje me armë, akuzohet për “Vrasja në rrethana të tjera cilësuese” e kryer në bashkëpunim dhe “Armëmbajtja pa leje”.
Lidhur me ngjarjen, u arrestua më herët Aleksander Perdoda, i akuzuar për vrasje, ndërsa në kërkim u shpall i vëllai.
Nga hetimet, rezulton se Aleksandër Përdoda, i lënë nën “arrest me burg” nga gjykata e Lezhës, kishte konflikte pronësie për një tokë me Kol Murranin, i cili dhe dyshohet si shënjestra e këtij atentati. Ngjarja ndodhi mesditën e 27 prillit në pyllin e fshatit Lalm Luka. “Nga tërësia e veprimeve dyshohet se ky shtetas i ka qëlluar me armë (viktimat) për arsye pronësie, pasi pretendon se pjesa ku ka ndodhur krimi është pronë e tij”, njoftoi policia.
