Trupi i pajetë i një burri është gjetur anës rrugës në aksin Fushë-Krujë-Milot. Sipas burimeve zyrtare, kufoma është gjetur në vendin e quajtur “Ura e kanalit të Gjormit”, ndërsa mësohet se është aksidentuar 4 ditë më parë në orën, 21:45.
Policia bën të ditur se viktima ka këto karakteristika:
Kufoma është e seksit mashkull, i moshës rreth 35 – 40 vjeç.
Ka strukturë të rregullt trupore, me gjatësi rreth 180 cm, si dhe peshë trupore 120 kg.
Shtetasi në fjalë mbante veshur një xhakovento ngjyrë gri, poshtë saj një triko pambuku ngjyrë gri, si dhe një palë tuta pambuku ngjyrë blu.
Policia disponon disa fotografi të personit të aksidentuar, të cilat mund të vihen në dispozicion të personave të interesuar që mund të kontribuojnë për identifikimin e këtij shtetasi. Për çdo të dhënë në lidhje me identifikimin e tij, policia vë në dispozicion numrin 0694103149.
