Një alarm për eksploziv në Drejtorinë Rajonale të Shërbimeve të Transportit Rrugor, Tiranë është dhënë pasditen e sotme rreth orës 16:00.
Sipas informacioneve, pronari i një mjeti ka telefonuar policinë dhe ka deklaruar poshtë makinës së tij ishte vendosur një sasi eksplozivi. Mjeti ndodhej i parkuar në ambientin e jashtëm të Drejtoriasë së Përgjithshme të Patentave.
Menjëherë forcat e policisë së Tiranës kanë shkuar në vendin e ngjarjes dhe kanë rrethuar zonën duke krijuar perimetrin e sigurisë por nuk kanë konstatuar asgjë të dyshimtë. Më pas forcat xheniere kanë bërë kontrollin e imtësishëm të mjetit por nuk kanë vërejtuar asgjë të dyshimtë. Sipas policisë alarmi ka rezultuar fals.
