Javier Galán një ish-futbollist në kategorinë e tretë të futbollit spanjoll, mban rekordin Guinness për goditjen më të fortë të topit.
Ish-lojtari i Fuencarral, 18 vjet më parë u regjistrua në një konkurs në Spanjë ku dhe theu shpejtësinë për fuqinë e goditjes së topit, madje duke mundur edhe rekordin më të mirë që ka vendosur Roberto Carlos.
“Roberto Carlos godiste me një fuqi prej 122 km/h. Cristiano godet me një fuqi prej 117 km/h edhe pse te Man.United ka goditur edhe me 120 km/h. Unë e provova në konkurs dhe theva rekordin botëror duke arritur 129 km/h.”
“Distanca ku matet shpejtësia është ajo e një penalltie normale. Ata e masin në momentin që topi largohet nga këmba. Kamera fokusohet pas kontaktit të këmbës me topin. Për rekordin Guinness ke mundësi të bësh vetëm 3 përpjekje. E imja rezultoi në 129 km/h.” – kujton ai për “AS”.
