Të të çajnë veshin për një biletë urbani, kjo ndodh vetëm në Tiranë!
Paraditen e sotme në urbanin e Kamzës ka plasur një sherr masiv. Shkak është bërë një udhëtar që nuk ka pranuar të paguante biletën. Jeta Osh Qef që ka publikuar edhe videon shkruan se faturinoja i acaruar i bën presion, ndërsa udhëtari i është kthyer duke e ofenduar.
Pas kësaj ka plasur sherri me grushte, ndërsa faturinos i bien lekët. Sipas raportuesit, zotëria që ka refuzuar të paguajë biletën ka tentuar t’ia marrë lekët, ndërsa faturinoja e ka goditur më fort, duke i carë veshin.
Por, sherri nuk ka mbaruar me kaq, pasi urbani ka ndaluar dhe personi që kontrollon biletat ka dalë në mbrojtje të faturinos duke e goditur me shuplakë zotërinë e gjakosur.
