Një ngjarje e rëndë është regjistruar në Greqi. Një shqiptar është arrestuar pasi ka përplasur për vdekje një 15 vjeçar.
Në pranga mësohet se është vënë një 53 vjeçar nga Vlora, identiteti i të cilit ende nuk bëhet i ditur.
Aksidenti ka ndodhur në kilometrin 1 të Rrugës Provinciale Xylokerizas-Examilion, në shtetin grek.
Vlonjati po drejtonte një makinë pasagjerësh (taksi) në momentin kur përplasi 15-vjeçarin dhe nënën e tij, duke i marrë zvarrë për disa metra.
Nga përplasja i mituri gjeti vdekjen e menjëhershme, ndërkohë që nëna e tij u plagos lehtë.
53-vjeçari u largua menjëherë nga vendngjarja, por u arrestua pak orë më pas nga punonjësit e policisë.
I pandehuri do të dalë sot përpara trupit gjykues, për t’u njohur me masën e sigurisë.
