COVID-19 në vendin tonë nuk kurse as të burgosurit, ku autoritet e Shëndetësisë konfirmuan raste pozitiv ne burgun 313 dhe 302 në kryeqytet.
Ndërkohë që janë zbardhur dhe detajet për gjendjen e tyre.
Burime bëjnë me dije se nga 18 të dënuar dhe të paraburgosur që rezultonin pozitiv me COVID-19, vetëm 3 janë aktualisht aktivë , njëri prej të cilëve i shtruar në spitalin e burgut pasi ka diabet.
Nga të dënuarit që përfituan nga Akti Normativ leje të veçantë 3-mujore, 3 prej tyre janë riarrestuar. Dy prej tyre për dhunë në familje dhe një tjetër për shkak se ka shkelur rregullat e karantinimit.
Gjithësej në vendin tonë janë konfirmuar 876 persona me COVID-19, prej të cilëve 163 janë aktualisht aktivë, kurse 31 kanë ndërruar jetë. Sot u konfirmuan 4 raste të reja.
