Ira Kurti tregoi për dhunën policore që përjetoi gjatë protestës në sheshin “Skënderbej” në Tiranë të Dielën, për mbrojtjen e Teatrit Kombëtar.
Ira Kurti është zonja që u tërhoq zvarrë nga policia në protestë.
E ftuar në “360gradë” në RTV Ora, ajo tha se ka plagë në trup dhe shpreson që të mos ketë probleme të brendshme.
“Unë mund të heq xhaketën dhe të tregoj se kam plagë në trup. Po çfarë jam plagët e mia se një ditë do të shoqërohen, por shpresoj që të mos kem probleme të brendshme. Të gjithë të kenë respekt për femrën shqiptare. Ne në shoqërinë tonë kemi shumë dhunë dhe kjo duhet të ndryshojë. Policët nuk duhet të hiqen nga puna”.
“Policia me kapi për krahu, nuk e pëlqeva se jam e përgjegjshme dhe e maturuar. Nuk kisha asgjë me vete, as biçikletën. Mua m’u prenë gjunjët. Më vinte zor. Nuk kisha frikë. Unë nuk jam heroinë, është një popull si ky që ka duruar për 30 vite. Pasi m’u prenë gjunjët ata më tërhoqën zvarrë, kur u ula policja më futi thonjtë në fyt. I thash çfarë bën, unë jam nëna jote. Ajo më tha në komisariat që e ka për turp të jetë bija ime. Unë kam qenë e shokuar nga sjellja e tyre. Kisha dhimbje fizike aty. Unë nuk e dija se kisha kamera që po filmonin, isha e përqendruar te sjellja e policisë. U thash se jeni këtu për të ruajtur qytetarët”, tregoi ajo.
