Këtë të Hënë, është shënuar numri më i ulët në 8 javët e fundit të rasteve të reja me COVID 19 në vendin tonë.
Autoritet e shëndetësisë konfirmuan katër raste pozitive në 24 orët e fundit, ku një prej tyre ishte në Shkodër, duke e çuar në 17 numrin e të sëmurëve aktiv në këtë qytet.
Burime bëjnë me dije se rasti i ri është një infermier, duke e çuar në 9 numrin e personelit mjekësor të infektuar deri më tani në Shkodër.
Infermieri është pjesë e repartit të sanatoriumit në Spitalin Rajonal të Shkodrës dhe dyshohet se e ka marrë infeksionin nga kontakti me pacinetë të ndryshëm.
Në total numri i të infektuarëve me COVID-19 në vendin tonë ka arritur në 872 persona, ku 31 prej tyre kanë ndërrruar jetë.
