Ish-kryetari i Vetëvendosjes, Albin Kurti është rikthyer në Tiranë për të folur për demarkacionin me Malin e Zi.
Kurti ka thënë se Thaçi dhe Mustafa duhet të japin dorëheqjen pasi me kalimin në Kuvend të Demarkacionit, Kosova humbet tokë.
Ai ka bërë edhe një deklaratë të fortë duke thënë se në 4 apo 5 vitet e ardhshme pritet që të ketë luftë nëse vijohet me ndarjen e territoreve në këtë mënyrë.
“Kufiri është çështje e ndarjes së territorit. Nuk kemi tokë për të falur. Në atë tokë është derdhur gjak dhe ne s’kemi gjak për të falur. Thaçi dhe Mustafa të japin dorëheqjen. Në 4-5 vitet e ardhshme ka gjasa të ketë përsëri luftë. Ka garë armatimesh mes Serbisë dhe Kroacisë”, tha Kurti.
“Çështja e kufirit ka marrë hov pas vitit 2012. Është goditur ideja e një republike si shtet. Është goditur barazia e qytetarëve. Mendoj se Zajednica është mungesë e vetëdijes që ka shteti. Prej Thaçit dhe Mustafës ka pasur agresion ndaj territorit që e bën vetë qeveria”, tha ish-kreu Vetëvendosjes.
