Burime bëjnë me dije se ministria e Shëndetësisë ka dërguar sot në Prokurorin e Posaçme Kundër Korrupsionit dhe Krimit të Organizuar një kopje të akteve, për tenderat “sekrete”.
Këto tendera u raportuan më herët nga “BoldNews” dhe më pas u denoncuan dhe nga Partia Demokratike. SPAK ka marrë në dorëzim dokumentet dhe do të bëjë vlerësimin e tyre. Gjithashtu edhe KLSH ka nisur një verifikim për këto tendera.
Këto tendera janë bërë “mollë sherri” mes PD dhe Ministrisë së Shëndetësisë. Partia Demokratike akuzon këtë të fundit se ka djegur disa prej dokumenteve të tenderave abuzivë në katin e prokurimeve të godinës së saj.
