Pas javëve të tëra bllokimi rikthimi I fëmijëve në klasa mund të duket një hap sigurie drejt normalitetit por shumë prindër në Zvicër, kanë ende shumë pyetje. Shkollat në Zvicër rinisin këtë të hënë dhe djali 7-vjeçar i Moussadek Mael dhe vajza 5-vjeçare, Eva do të bashkohen me shokët e klasës në shkollën fillore. Nëna thotë se ka ende pasiguri, veçanërisht me sëmundjen që paraqet simptoma të ngjashme me sëmundjen Kawasaki ose sindromën toksike të shokut që vrau tre fëmijë në Shtetet e Bashkuara, të cilët rezultuan edhe pozitive me COVID-19.
“Unë do të doja të kisha më shumë qartësi që të ndërmarr hapa të tjerë. Ne mund të jemi 100 për qind të sigurt se gjithçka është nën kontroll, se nuk do të ketë asnjë ngjashmëri të incidenteve siç është sëmundja Kaëasaki. Tani do ndjekim masat federale”, – shprehet nëna.
Ashtu si vendet e tjera në Evropë, Zvicra, e cila ka regjistruar më shumë se 30.000 raste të coronavirusit, me 1.500 të vdekur, po lehtëson masat kufizuese.
Zyrtarët zviceranë të shëndetit thonë se fëmijët e vegjël rrallë shfaqin simptoma të rënda COVID-19 dhe rrallë infektojnë të tjerët.
“Ajo që tregojnë studimet me siguri është se fëmijët janë bartës të virusit, por ka shumë pak, madje asnjë provë që tregon se ata janë me të vërtetë transmetues efikas të virusit”, shprehet Didier Pittet, drejtori i programit të kontrollit të infeksioneve në Gjenevë
Qeveria citon dokumente shkencore që mbështesin pikëpamjen e saj se të rinjtë nuk kanë gjasa të kalojnë virusin mes njëri-tjetrit.
Daniel Koch, mjeku zyrtar i Zvicrës i cili ka monitoruar coronavirusin, iu ka dhënë gjyshërve dritën e gjelbër për të përqafuar fëmijët deri në moshën 10 vjeç, duke ndezur plot polemika.
Ndërsa klasat zvicerane fillojnë përsëri, ato vështirë se do të jenë normale. Shumë shkolla po ndajnë klasat në gjysmë, me pjesëmarrjen e shkurtuar në vetëm dy ditë në javë për grup. Ndërkohë, tavolinat po vendosen larg njëra tjetrës , shenjat e distancës duken në dysheme , për t’i ndihmuar fëmijët të dinë kufijtë e hapësirës.
Fëmijët e vegjël, ata që shkojnë në kopshte, nuk do të duhet të mbajnë distancën nga njëri-tjetri, por një kërkesë prej dy metrash mbetet për mësuesit dhe fëmijët që janë mbi 10 vjeç.
Ndërsa gjimnazistët dhe studentët duhet të presin të paktën datën 8 qershor që të rifillojnë mësimin./euronews.al
