Tabloidi britanik The Independent shkruan se diferenca mes presidentit amerikan Barak Obama dhe kandidatit republikan për këtë post Donald Trump duket në dy foto.
Postimi është shpërndarë dhe pëlqyer në Twitter mbi 2000 herë. Kjo tregon se sa shpejt njerëzit janë të gatshëm të analizojnë në detaje një fotografi.
Foto e Trump, u shkrep në Tampa të Floridas më 24 gusht. Gruaja pranë tij, e pambrojtur nga çadra është Prokurorja e Përgjithshme e Floridas, Pam Bondi. Foto u kap nga Loren Elliot i AP që u shoqërua me një artikull në Washington Times që shpjegonte marrëdhënien paraprake të dyshes. Gjatë fushatës së saj në rizgjedhjen gjatë vitit 2013, Bondi vendosi të mos ndiqte rastin e mashtrimit kundër Universitetit Trump.
Fotografia e Presidentit Obama nga Jevel Samad për agjencinë e fotove Getty Images, u shkrep në prill të vitit 2013 në bazën e Forcave Ajrore Andreë teksa presidenti drejtohej për në Boston pas sulmit me bombë që vrau tre persona dhe plagosi 180 të tjerë.
